La vischnanca da Breil aveva annunzià che la recruta da Dübendorf cun 230 recruts vegnia si Breil. Quai pervia che la scola da recruta a Dübendorf vegn sanada. Ils ustiers han gì plaschair da quai travasch en il vitg. Ma cun dapli clientella durant quai temp n'èsi stà nagut a l'entschatta. Il militar ha numnadamain organisà per ils recruts bus enfin Glion per ch'els possian ir en sortida. Tschintg bus charravan mintgamai la saira da la sortida lunga sper las ustarias da Breil ora.
I aveva gì num ch’i vegnia massa recruts ma nagin era denturn. Quai è stà difficultus
Ils ustiers ch'èn stads surstads ma er trumpads han lura laschà dar en il chau insatge. Els han purschì menus spezials e carmalà ils recruts cun snacks e vin alv en lur ustarias. Uschia ch'els hajan realisà che la purschida d'ir en sortida a Breil saja er uschè buna sco quella d'ordaifer.
Cura ch’els han percurschì che Breil ha bunas ustarias èn els restads e n'èn betg pli charrads en sortida cun ils bus.
RR actualitad 08:00