Siglir tar il cuntegn

Header

cuntegn

Surselva Immobiglias da la vischnanca da Glion, la vendita sto spetgar

La vischnanca da Glion ha en tut 266 immobiglias. L’emprima da quellas è scritta ora da vender, igl è la chasa communala da Luven.

audio
Mezdi: Tge fa Glion cun 266 immobiglias
ord Actualitad dals 28.09.2015.
laschar ir. Durada: 3 minutas 35 Secundas.

Quai è in cas spezial che quella chasa è venala. Atgnamain è la vischnanca da Glion anc betg semtgada da vender immobiglias.

Per la chasa Communala da Luven ha i dà in interessent e perquai ha la vischnanca da Glion fatg quella excepziun. Tar quella chasa sa tracta i d'ina chasa che la vischnanca sa gia segir che ella sezza na dovra betg pli per agen diever. Per il president da vischnanca da Glion, Aurelio Casanova, è quella vendita ina excepziun.

La vendita fa nagina prescha

Tut ils auters objects ston spetgar fin che la vischnanca ha ina strategia co proceder vinavant cun las immobiglias.

Vi da quellas immobiglias ellas differentas fracziuns pendan bleras emoziuns.

Ina entrada d'ina ustaria cun placats e reclamas
Legenda: La chasa da scola da Pigniu funcziuna ussa sco ustaria RTR, L. Livers

Tranter auter appartegnan era trais ustarias a la vischnanca da Glion. Duas da quellas a Luven ed ina a Pigniu.

Silmain in onn vegn i anc a cuzzar fin che las emprimas immobiglias da la vischnanca da Glion vegnan sin fiera. Sco quai che Aurelio Casanova ha ditg, vegn en mintga cas il parlament ad avair il davos pled en chapitel cura ch’i va per venditas d’immobiglias en la vischnanca da Glion.

Artitgels legids il pli savens