Siglir tar il cuntegn

Header

L'auto en il Curtin da senns da la Casa Depuoz a Trun.
Legenda: L'auto en il Curtin da senns da la Casa Depuoz a Trun. RTR, H. Giger
cuntegn

Surselva In auto en il curtin da senns da la Casa Depuoz

El è l’attracziun surtut per ils giuvenils da la Casa Depuoz a Trun: In vegl Ford Fiesta, colurà sco ils vehichels dals onns da 1960 cun flurs. Ed ins vesa alura era ils pleds flower power e love.

L’auto era vegnì acquistà per tschaiver ed alura hajan els decidì da colurar el e da metter en il curtin da senns, di Barbara Hoffmann che maina la partiziun da creschids en la Casa Depuoz. Els hajan laschà ir ora il benzin e tschentà l’auto sin blocs. Uschè na possia capitar nagut.

En il curtin da senns datti dentant era auters objects, sco per ex. ina tur cun ruschnera, in tunnel fatg cun roma da salisch, ina ballabaina sin la quala ins po er ir cun sutga da rodas, in pitschen trutg d’ir a pe blut e chistas cun ervas da savurar.
La Casa Depuoz è in center da scolaziun ed integraziun per uffants, giuvenils e creschids che han tscherts impediments.

Artitgels legids il pli savens

Scrollar a sanestra Scrollar a dretga