In dals gronds problems è che las temperaturas sajan stadas autas e perquai n’èsi betg adina stà pussaivel da far naiv. Ina consequenza è, che las pendicularas han vendì 11% pli paucs pass da skis (2015/16: 916 ; 2014/15: 1'030). Tuttina vegn il pretsch per in pass da skis en Surselva, che sa numna probabel en l’avegnir pass da skis Surselva-Urseren, betg auzà per l'enviern 2016/17.
Con pajan senioras e seniors?
Discussiun hai era dà a la radunanza pertutgant las tariffas per senioras e seniors. L’associaziun da las pendicularas Surselva rimna uss ideas e fa alura ina proposta a las singulas interpresas. Mo sco Martin Hug ha ditg, possia mintga pendiculara decider la finala sezza tge tariffas ch’ella vul fixar.