Siglir tar il cuntegn
Ideal per far turas.
Legenda: Ideal per far turas. Paul Degonda

Surselva In enviern difficil per far turas

Las temperaturas miaivlas da quest enviern han consequenzas era per far turas. In problem per la cuverta da naiv veglia è cunzunt ch’igl è stà sitg.

Questa cuverta sa midia en naiv da zutger ubain naiv da sal. La naiv nova na tegnia betg, declera il guid da muntogna Paul Degonda da l’interpresa Alpventura da Mustér. Perquai saja il privel da lavinas gronds. Envierns cun pauca naiv sajan pli problematics ch'envierns cun blera naiv, di Degonda.

En scadin cas sto in guid da muntogna enconuscher bain las relaziuns per pudair giuditgar, nua ch’el dastga ir cun ses giasts. Il privel da lavinas possia sa midar d’in mument a l’auter, quai dependa da l’aura.

Arrivads a la destinaziun.
Legenda: Arrivads a la destinaziun. Paul Degonda

Esser flexibel

In enviern ideal saja sch’i dettia a l’entschatta da la stagiun 1 – 2 meters naiv, e alura naiv da pulvra sin questa cuverta. Mo quest enviern – surtut tranter Nadal e Bumaun – hajan els da l’Alpventura era gì pli paucs giasts. Perquai stoppian ins esser flexibel e porscher program alternativs. Ils giasts sajan dentant cuntents, sch’els possian esser ordavert.

Artitgels legids il pli savens