Siglir tar il cuntegn

Header

cuntegn

Surselva In nov privel smanatscha als avieuls

In parasit fa quitads als apiculturs dal Grischun. En l’Italia dal sid, en Calabria, han ins chattà il bau-stgaffa.

La trapla per il parasit bau-stgaffa: Ina sdrima da chartun cun rusnas pitschnas
Legenda: La trapla per il parasit bau-stgaffa. RTR/hg

Il bau-stgaffa è circa 5-7 mm grond. Sco l’inspectur d’avieuls en la Cadi, Raymond Schnoz da Mustér ha ditg, fa quest parasit gronds donns en la patgnas. El maglia quellas, sco er il nutriment ed il mel. E quest mel che resta na pon ins betg pli duvrar. Mo ils pievels vitals possian forsa resister cun agid da l’apicultur. Era sch’il bau-stgaffa n’è betg anc arrivà en il Grischun, sa preparan ils inspecturs d’avieuls ed ils apiculturs. Intgins dad els fan part d’in project cun far emprovas cun ina trapla. Quella consista d’ins sdrima da chartun cun rusnas pitschnas. Las larvas van en questas rusnas ed èn pigliadas.

Betg cumprar pievels en autras terras

In’autra prevenziun fiss da betg cumprar pievels en autras terras, di Raymond Schnoz. Quai conferma er il president da l'uniun chantunala dals apiculturs, Andreas Pfister. Sco el fan era blers apiculturs da la Cadi quitads. Mo dismetter pervi da quai ils avieuls n'è betg in tema - almain anc uss betg.

Nov president

L'uniun d'apiculturs Mustér e conturn ha in nov president: Felix Flepp da Surrein. El succeda a Simon Orlik da Zignau che ha abditgà.

Artitgels legids il pli savens