Per cuntanscher in dumber pulit represchentativ da Rumantschas e Rumantschs saja adina puspè da far novas acziun per dar nov schlantsch, declera il mainaproject David Flepp.
Uschia ha la Lia Rumantscha producì in clip da reclama che duai sa derasar via las medias socialas. Tenor David Flepp in lieu ideal per cuntanscher Rumantschs, independent nua che quels èn da chasa.
Il messadi dal curt clip è fitg simpel. Differents protagonists cun differentas professiuns u en differents lieus din en in dals idioms rumantschs «gea» e respundan uschia la dumonda: ès ti gia sa registrà sco Rumantsch? Giugads vegnan ils protagonists tuts da David Flepp sez.