Siglir tar il cuntegn

Header

cuntegn

Surselva In recurs encunter l’ovra Val Giuv/Val Mila

Il temp da far recurs encunter l’ovra idraulica Val Giuv/Val Mila è scadì. Sco Beat Hunger da l’Uffizi per energia e traffic dal Grischun ha ditg ad RTR haja quai dà 1 recurs encunter quest‘ovra.

Tgi che ha fatg recurs e pervia da tge n’ha Beat Hunger dentant betg pudì dir. Mo uss stoppia l’energia alpina prender posiziun envers quest recurs. La finamira saja da sa cunvegnir; sche quai na gartegia betg stoppia la regenza grischuna decider, ha el ditg.

Nagina surpraisa

Per il mainafatschenta da l’energia alpina Ciril Deplazes n'èsi betg ina surpraisa ch’i ha dà in recurs. Els hajan quintà cun quai.

L’energia alpina vul engrondir l’ovra en Val Giuv e nizegiar l’aua da la Val Mila per la centrala communabla. L’ovra nova producescha 11 milliuns uras kilowatt ad onn. I vegn quintà cun investiziuns da 12 milliuns francs.

Artitgels legids il pli savens