Siglir tar il cuntegn
cuntegn

Surselva In surpli da bunamain 10 milliuns per Glion

Il parlament da la vischnanca Glion ha approvà unanimamain l'emprim quint annual da la nova vischnanca.

Glion cun la claustra dominicana davostiers.
Legenda: Glion cun la claustra dominicana davostiers. RTR, C. Lombriser

Il quint serra cun in surpli d'entradas da var 9,7 milliuns francs. Quai saja d'attribuir principalmain a la contribuziun da fusiun dal chantun, scriva la vischnanca en sia communicaziun. Il chantun aveva dà 17,7 milliuns francs.

En il preventiv aveva Ilanz/Glion quintà cun investiziuns nettas da 6,9 milliuns francs. Investì ha la vischnanca dentant mo 1,9 milliuns. Plirs projects èn vegnids spustads, uschia ch'i vegn a dar ils proxims onns ina rotscha investiziuns.

RR Novitads 14:00