Ina giada per onn s'entaupan giuven e vegl per la cursa da skis, in di schon quasi sontg, sco quai ch'ils da Schlans dian. Dapli che 60 onns èsi reussì a Schlans da mantegnair questa tradiziun ch'è fitg viva ed impurtanta per convischinas ed era per quels e quellas che vivan ordaifer.
Quest onn sa participeschan puspè fitg blers uffants a la cursa da skis dal Club da skis Schlans. «Quai fa plaschair e motivescha da mantegnair il club e far vinavant», di il president Norbert Caduff. Sper la cumpagnia e las scuntradas vai dentant per bain inqual era per l'onur dal podest. Cunzunt tranter il president ed ils dus frars Roman e Bruno Pfister datti in cumbat per la plima. «Il Roman va bain, dentant, quintar quinta il spert» di Bruno Pfister per vilentar ses frar Roman.
In pac cun la redactura, blera buna luna ed ina cursa legendara – quai è stada la cursa dal 2023.