Siglir tar il cuntegn
Inhalt

Surselva Ina da las pli grondas raits da sendas per turas cun gianellas

Sedrun Mustér Turissem vul daventar ina destinaziun attractiva per viandar cun gianellas.

Trais persuans che van cun gianellas.
Legenda: Adina pli blers van cun gianellas. RTR, G. Hosang

Ina destinaziun da turissem sto avair ozendi fitg differentas purschidas, di il directur da Sedrun Mustér Turissem, Hans-Kaspar Schwarzenbach. Quai è ina da las raschuns pertge ch’ins realisescha sin proxim enviern ina rait da sendas da 50 kilometers per pudair far turas cun gianellas. «Insanua sto ina destinaziun adina puspè preschentar insatge ch’è il pli grond, il meglier u il pli aut», declera Hans-Kaspar Schwarzenbach. Uschia possia Sedrun Mustér Turissem ussa far reclama cun ina da las pli grondas raits da sendas per far turas cun gianellas.