Ina demissiun en suprastanza a Sumvitg

La vischnanca da Sumvitg elegia quest onn ils uffizials communals. En suprastanza communala ha il gerà Giusep Bearth da Sumvitg demissiunà.

Il vitg da Sumvitg. Bild in Lightbox öffnen.

Legenda da maletgs: Il vitg da Sumvitg. RTR, L. Livers

En la cumissiun da quint e gestiun sa retiran Rest Andriu Bearth da Sumvitg e Ciril Cathomas da Cumpadials. En la cumissiun da bajegiar datti ina demissiun cun Bernard Tuor da Sumvitg.
Per ina ulteriura perioda d’uffizi candideschan :
Per la suprastanza : il president Armin Candinas ed ils geràs Robert Candinas, Ignaz Deplazes e Marcus Duff.
Per la cumissiun da quint e gestiun : Claudio Cajacob.
Per la cumissiun da bajegiar : Martin Bundi, Felix Flepp e Eduard Tuor.
Propostas per novs candidats pon vischinadis ubain gruppaziuns far fin ils 15 da mars.
La elecziuns èn dumengia, ils 17 d’avrigl 2016.