Siglir tar il cuntegn

Header

cuntegn

Surselva Ina fanestra en il tunnel da la Neat a Sedrun

L’idea da la Porta Alpina n’è betg pli in tema actual. Almain il mument betg. Ma persuenter datti ina fanestra per visitaders en il tunnel da la Neat a Sedrun. Quai confirma Andreas Windlinger da l’uffizi federal da traffic.

audio
Bunura: La NEAT a Sedrun survegn ina fanestra
ord Actualitad dals 03.07.2015.
laschar ir. Durada: 2 minutas 4 Secundas.

La fanestra mesira 3 sin 5 meters e saja construida en furma d’arvieut, uschia ch’ins po era vesair ils trens che vegnan. Dapli detagls tecnics na ha el betg pudì dir. La fanestra per visitaders laschia l’Alptransit Gotthard SA construir il fanadur. Ella custa ca. 180'000 francs.

Mo in problem datti : Il mument na datti betg in access a questa fanestra per visitaders, perquai ch'i n’exista betg in ascensur ubain ina galaria. Sco Andreas Windlinger di hajan els vulì tractar tuts tuttina, perquai ch’il chantun Uri po construir ina tala fanestra en il tunnel da la Neat ad Amsteg. E perquai hajan els era approvà la dumonda dal chantun Grischun.

Mo pervia da quest project na saja la Porta Alpina betg anc giud maisa. La finala hajan ils lavurers gì rut ora las hallas da spetga.

RR novitads 22:00

Artitgels legids il pli savens