Surselva - Ina part da la Surselva era senza current electric
La gievgia suentermezdi è ina part da la Surselva stada senza forza electrica. Sco la Repower ha communitgà n’avevan las vischnancas da Vuorz, Andiast e Pigniu a las trais dal suentermezdi nagina electricitad.
L’interrupziun ha cuzzà ina mes’ura scriva la Repower. Il motiv è stà in pur, ch’ha per sbagl, squittà puschina sin ina pitga electrica, scriva l’interpresa. A las quatter e mesa è la forza electrica anc ina giada vegnida interrutta per bundant in’ura. Quai per midar ora in isolatur ch’era vegnì donnegià.
