Il parlament da la vischnanca da Glion è sa decidì questa saira per in nov reglament da parcar en la citad da Glion. Quel duai resguardar ils basegns d’indigens, pendularis e visitaders.
Cunzunt ils parcadis centrals duain restar libers per visitaders che vegnan en la citad mo per curt temp. Tals che parcan l’auto durant l’entir di duain duvrar ils parcadis en la periferia da Glion. Per cuntanscher quai vegn introducì in nov sistem da vignettas.
Plinavant duai vegnir relaschà in scumond da parcar sin terren public ordaifer parcadis marcads per l’entir intschess da la citad.
