A Sedrun hai brischà oz sin in balcun d'ina chasa da pliras famiglias. Ils pumpiers Sursassiala han spert gì sut controlla il fieu. Tenor la polizia hajan ils avdants pudì salvar sa sez. Naginas persunas na sajan vegnidas blessadas. Daco ch'i ha brischà n'è anc betg enconuschent. Er quant grond ch'il donn è n'è anc betg enconuschent.
La via principala è stada serrada per ventg minutas en omaduas direcziuns. Entant circulescha il traffic puspè normal.