La notg da gievgia sin venderdi var las 23:00 uras hai dà in incendi en la butia dal Volg. Persunas n'èn betg vegnidas belssadas. Quai communitgescha il cussegl d'administraziun. Il donn è dentant considerabel, er perquai ch'ins sto serrar la butia.
Passants han alarmà ils pumpiers che han pudì stizzar il fieu aifer curt temp. La raschun per l'incendi saja stà in defect tecnic d'ina frestgera. Pervia dal fim e la tschendra sto quasi l'entir sortiment vegnir dismess. Il donn munta a plirs tschient-milli francs.
Stizun resta serrada
Per raschuns da rumida e renovaziun resta la butia serrada fin ils 8 da fanadur.
