Siglir tar il cuntegn
Inhalt

Surselva Indians a Schlans

Dapi trais onns organiseschan Silvio Pfister e Najat Zimbi da Schlans in camp d'Indians sur Schlans. Var 20 uffants vivan en tenda, van a chaval, e giaudan la vita selvadia.

Ina matta chavaltgescha sper il Tipi ora
Legenda: I fa propi endament la vita d'Indians RTR, L. Livers

Ils chavals è il tema che dominescha il champ. Els vegnan decorads e stregliads. Sco quai che Najat Zimbi di, saja la finamira principala dal camp d'emprender d'enconuscher la natira e qua tutgian er ils chavals tiers. En il camp pon ils uffants però er emprender co ch'ins po far itg cun rascha u co ch'ins sa cumporta en la natira.

Viver ordavert e durmir en tenda e en clavads sin il fain, e betg avair ina tualetta cun aua è insatge nov per ils blers dals 20 uffants en il camp d’Indians.

Quest onn hai dapli mattatschas che matatschs en il camp a Schlans. Anc avant trais onns era quai pli gulivà, manegia Najat Zimbi. Quai haja probabel da far cun il fatg che chavals e mattatschas na sajan simplamain betg da separar, manegia ella riend.

RR actualitad 11:00

Legende: Video Indians a Schlans abspielen. Laufzeit 01:16 Minuten.
Or da RTR dals 28.07.2016.