Siglir tar il cuntegn

Header

audio
Mustér: Prevista da l'Indoor Festival
Or da Actualitad dals 05.05.2022.
abspielen. Laufzeit 3 minutas 21 Sekunden.
cuntegn

Indoor Festival Mustér Stuì spetgar ditg sin l'ediziun da giubileum

Suenter ina pausa sfurzada causa corona, datti questa fin d'emna puspè concerts a Mustér.

L’Indoor Festival è adina stada in'occurrenza gronda, en tut hai dà nov ediziuns. Suenter il 2011 n'avevan ils organisaturs dentant betg pli la motivaziun per l'ediziun giubilara. Quai haja surtut gì da far cun il deficit da lez temp, uschia Florian Zanin dal comité d’organisaziun. Suenter hajan els dentant adina puspè discurrì da puspè organisar il festival da musica. Enstagl da be discurrer surlonder ha il comité lura lantschà da nov il festival per il 2020. La pandemia ha dentant impedì l'ediziun. Gia l'onn passà fissan els puspè stads pronts, ma la finala hajan els vulì far in festival endretg, senza restricziuns.

Chattar las bands è ina sfida

Uss èn els leds ch’els hajan spetgà, di Florian Zanin ch’è dapi l’entschatta da la partida ed in dals iniziants dal festival. Uschia hajan els gì dapli temp da chattar sponsurs e sustegn. Era cun las bands hajan els contracts fix ed uschia adina pudì planisar. Ma chattar bands saja difficil. Els collavurian stretg cun ina agentura ed hajan uschia bands da renum, ma betg las top bands. Lezzas na possian els betg finanziar.

Per vegnir da cuvrir ils custs basegnan ils organisaturs radund 550 aspectaturas ed aspectaturs en dus dis. Il mument sajan els optimistics che quai reusseschia perquai che la prevendita saja buna. Era d’avantatg saja ch'i n'haja dus onns betg pli dà events pli gronds, ed els sajan uss in dils emprims festivals da musica.

Program «Indoor Festival» 2022

Avrir la box Serrar la box

Venderdi, 06 da matg

  • 19:00 avertura da las portas
  • 20:00 La Pascal Gamboni Combo Crassira
  • 21:30 Saint City Orchestra
  • 23:00 Saltatio Mortis

Sonda, 07 da matg

  • 18:30 avertura da las portas
  • 19:15 Aurelius e Sirius
  • 20:45 Damian Lynn
  • 22:15 Sondaschule
  • 24:00 257ers

RTR actualitad 17:00

Artitgels legids il pli savens

Scrollar a sanestra Scrollar a dretga