La radunanza communala da Lumnezia a approvà questa saira il credit necessari. La vischnanca da Sursaissa Mundaun decida lura l'avrigl, sch'ella sa participescha cun la medema summa a la Infra Mundaun SA. Las pendicularas da Sursaissa Mundaun fan part cun 80'000 francs. L'intent da la Infra Mundaun SA è - da promover ideas e projects per il turissem da stad e d'enviern enturn il Mundaun.
L'idea da realisar la Infra Mundaun ensemen cun Glion aveva fatg naufragi l'onn passà. Perquai han las vischnancas da Lumnezia e da Sursaissa Mundaun decidì ensemen cun las pendicularas da Sursaissa Mundaun, da realisar quest project mo en trais.
RR novitads 21:00
