Siglir tar il cuntegn
Mauns da medi che mettan il bastunin da test en il vaiderin.
Legenda: Per betg surchiargiar ils ospitals e las praticas da medis, duai mintgin pudair far in test da corona a chasa. Keystone

Iniziativa naziunala Mintga persuna duai far in test a chasa

L'iniziativa «Corona immunitiy» vul chattar ina via ord la situaziun da bloccada en Svizra. Part da questa iniziativa fan medis, cassas da malsauns, scienziads ed autoritads.

In avantatg da tests a chasa è ch'ins vesa quantas persunas che han gia gì il virus.
Autur: Gieri Cathomas Medi ed interprendider en il sectur da sanadad

E sch'ins fetschia ils tests a chasa na surchargian ins betg ils ospitals e las praticas, di Gieri Cathomas. Cun ils resultats, vul dir cun savair quantas persunas ch'èn immunas e nua, pudess ins alura giuditgar, co ins po returnar a la vita normala e reactivar l'economia. La finamira fiss da cumenzar mez matg cun quests test.

Betg anc tests cun las qualitads necessarias

L'Uffizi federal da sanadad na vul betg prender posiziun a questa iniziativa. La pledadra da medias, Katrin Holenstein, scriva dentant ch'i na dettia il mument betg anc tests che han las qualitads necessarias. Perquai na possian ins era betg constatar, sch'insatgi saja immun cunter il virus.

RTR actualitad 08:00

Artitgels legids il pli savens