audio
Bunura: Sagogn - Pro e contra tempo 30
ord Actualitad dals 11.05.2016.
laschar ir. Durada: 3 minutas 49 Secundas.
Las vias tras Sagogn èn per part uschè stretgas ch’ins na po betg construir in passape. Quai munta che la via vegn era duvrada dals peduns. Era fan ils iniziants attents sin il traffic creschì pervi da la plazza da Golf. In traffic che vegn per gronda part manà tras il vitg.
La suprastanza da Sagogn propona da refusar questa iniziativa. La suprastanza se basa sin datas rimnadas dapi l'onn 2012 cura ch’ins haja cumenzà cun questas mesiraziuns.
Legenda:
Cun questa tabla electronica vegn dumbrà e mesirà il tempo dals vehichels dapi l'onn 2012.
RTR, L. Livers
Dapi lura en 433’103 vehichels vegnids mesirads:
- 67% dals automobilists charreschan gia oz pli plaun che 30km/h
- Sulet 5,8% charreschan 40km/h e pli spert
- Mo 0,2% dals automobilists surpassan la spertadad da 50km/h
Il tempo 30 na portia betg l’effect giavischà, manegia la suprastanza. Las meglieraziuns instradadas sco la fermada da posta cun passape sper la scola portian dapli per la segirtad. Ils da Sagogn decidan questa gievgia davart l’iniziativa tempo 30.