Enfin uss aveva questa concurrenza il num Burton European Open. Il sponsur principal ed organisatur Burton n’è dentant betg pli da la partida. Uss va tut sut l’organisaziun e finanziaziun da Laax. E Laax investescha plirs milliuns francs.
audio
Saira: Organisar sez il Laax Open - ord vista dal marketing in bun pass
ord Actualitad dals 21.01.2016.
laschar ir. Durada: 4 minutas 33 Secundas.
Tenor l’expert da marketing Armin Spescha sa paja ina tala investiziun. L’event vegn emess en Svizra, e sin intschess internaziunal enfin la China. Sch’ins quintia enturn il temp d’emissiun sin temp da reclama en ils differents pajais che rapportan dal Laax Open, haja quai in’enorma valita economica, di Armin Spescha.