Siglir tar il cuntegn

Header

cuntegn

Surselva Ir cun skis la primavaira è era in med da marketing

Intginas pendicularas han anc avert quest’emna ubain schizunt pli ditg, tranter auter Mustér, Gemsstock (Andermatt), Engiadin’Ota (Diavolezza e Corvatsch), Samignun, Tavau (Jakobshorn).

Per las pendicularas da Mustér saja quai impurtant da savair ch’els hajan in territori cun garanzia da naiv la primavaira, di il directur Rudolf Büchi. Uschè possian els communitgar perfetgamain quest messadi. I na saja betg in’emna ch’ins gudognia daners. Ma persuenter stoppian els far pauca lavur per metter en funcziun il manaschi.

Tenor il president da las pendicularas dal Grischun Silvio Schmid saja quai in avantatg che mo paucs territoris da skis hajan avert uss. I saja er bun per il marketing da las pendicularas, schegea che la dumonda saja uss pli pitschna che l’atun cura che tuts veglian gia cumenzar ad ir cun skis il november.

Artitgels legids il pli savens