Siglir tar il cuntegn

Header

cuntegn

Surselva Isar ils scursalets per mantegnair il glatsch

Sonda passada ha l'Uniun da scursalets Trun fatg festa sin la plazza da glatsch a Pustget. D'ina vart per festivar il giubileum da 55 onns, da l'autra dentant era per rimnar daners per la nova maschina da far glatsch.

Il program planisà dal comité d’organisaziun è stà vast e divertent. La gronda attracziun è dentant stà ina seria da gieus da sis equipas, equipas da las differentas uniuns da Trun.

audio
Bunura: 55 onns Uniun da scursalets Trun
ord Actualitad dals 16.01.2017.
laschar ir. Durada: 3 minutas 44 Secundas.

Uschia hai dà equipas dal Club da ballape Trun/Rabius, dal Club da tennis Trun, da la Musica da Trun e da l’Uniun da giuventetgna da Trun. Dasperas hai anc dà in'equipa cun seniors dal Club da scursalets Trun ed in'equipa da prominents.

Questas gruppas han cumbattì en differents gieus per puncts ed onur. Uschia han els stuì trair rudellas, trair penaltis encunter il goli da l’uniun da scursalets ni era dar il gieu abcsrf3, il gieu da lignar pleds da SRF3.

La finala ha il Club da ballape gudagnà quai pitschen turnier, pli impurtant è dentant stà per ils giugadurs sco era per ils aspectaturs il divertiment durant ils differents gieus

Rimnar daners cun far rundas

Tranter ils gieus dals teams han commembers da l’uniun rimnà daners per pajar la nova maschina da far glatsch. Quai cun far rundas sponsuradas sin il glatsch.

Ils commembers, activs e passivs, han stuì tschertgar ordavant sponsurs che han pajà per runda fatga dal commember ina tscherta summa en la cassa dal club.

video
Impressiuns fiasta da giubileum 55 onns Uds Trun
Or da RTR dals 16.01.2017.
laschar ir. Durada: 2 minutas 26 Secundas.

RR actualitad 07:00

Artitgels legids il pli savens