-
Bild 1 von 7. Istorgia da svilup. Bildquelle: RTR, Linus Livers .
-
Bild 2 von 7. Uschè blera glieud a la vernissascha ha fatg surstar. Bildquelle: RTR, Linus Livers .
-
Bild 3 von 7. Andreas Cadonau avant sia aissa da pli baud, la Crazy Banana. Bildquelle: RTR, Linus Livers .
-
Bild 4 von 7. Las infurmaziuns da tut ils svizzers che han scrit istorgia da snowboard, pendan en la segunda auzada. Bildquelle: RTR, Linus Livers .
-
Bild 5 von 7. Sina Candrian la curatura dumandada durant la vernissascha. Bildquelle: RTR, Linus Livers .
-
Bild 6 von 7. En la Chasa Melna a Flem vegn exponì sin trais auzadas. Bildquelle: RTR, Linus Livers .
-
Bild 7 von 7. Da stgala si e giu dapertut infos sur dal svilup dal snowboard. Bildquelle: RTR, Linus Livers .
Sco emprima instituziun svizra mussa la Chasa Melna a Flem in'exposiziun cumplessiva sur dal tema snowboard. L'exposiziun cumpiglia videos fotografias ed artefacts.
Scuverta nunspetgada
La pli interessanta scuverta che las curaturas Sina Candrian ed Ariana Pradal han fatg per preparar questa exposiziun è stada che sportistas e sportists, producents e turistichers svizzers èn stads cumpigliads considerablamain vid il svilup dal sport da snowboard mundial.
Il virus dal snowboard è sa derasà en Svizra davent da l’entschatta dals onns 1980. Ed anc adina èn svizzers e svizras davanttiers cura ch'i va per svilup en quests sport. Uschia vegnan bajegiadas las pli spectacularas mesa pipas en svizra.
Pudair chavaltgar sin l'unda perfetga, quai resta la pli auta finamira da quest sport. Als sportists e sportistas è la segunda auzada deditgada cun fotografias e curtas inscripziuns da lur biografia.
L'exposiziun cuzza dals 22 da december enfin ils 13 d'avrigl 2019.
RTR actualitad 07:00