Siglir tar il cuntegn
cuntegn

Surselva Juniors da la Surselva treneschan communablamain

La digren da giugaders en il sectur da juniors sforza ils clubs da ballape la Surselva da tschertgar soluziuns communablas.

Juniors A fin C da la Surselva treneschan davent da l'atun communablamain.
Legenda: Juniors A fin C da la Surselva treneschan davent da l'atun communablamain. A. Bottoni

Intgins clubs da ballape da la Surselva lavuran gia ensemen sin il sectur dals juniors, uschia per exempel tar ils juniors A. Ils giuvens da 18 fin 20 onns da la Surselva treneschan sut il num IG Surselva gia communablamain. Ussa han ils responsabels dals juniors dals differents clubs da ballape sursilvans decidì ensemen cun lur suprastanzas dad ir in pass anc pli lunsch ed dad era metter ensemen ils trenaments dals juniors B e C. Pertutgads da questa midada èn rodund 100 giugadras e giugaders che han lura tut tenor dad ir davent da l’atun pli lunsch per ils trenaments.