Siglir tar il cuntegn

Header

Navigaziun

Julia Schlanser, Kathrin Rüegg e Julius Schmid
Legenda: Kathrin Rüegg (enamez) ensemmen culs dus farigliuns Julia Schlanser e Luzius Schmid uhn.ch
cuntegn

Surselva Kathrin Rüegg – la scriptura che ha vendì 6 milliuns cudeschs

Kathrin Rüegg è stà il num d'artista. Il num burgais era Doris Schmid.

Doris Schmid ubain Kathrin Rüegg sco ella aveva num cun il num dad artista è ina enconuschenta scriptura svizra. Ella ha scrit 45 cudeschs e moderà 350 emissiuns en il Südwestrundfunk SWR. L'onn 2011 è Kathrin Rüegg morta en la vegliadetgna dad 81 onns.

Ils dus mez fragliuns Julia Schlanser e Luzius Schmid han elavurà la biografia da Kathrin Rüegg e laschà producir in cudesch. Julia Schlanser e Luzius Schmid èn ils uffants ord segunda letg dal bab da Kahrin Rüegg.

Kathrin Rüegg è naschida l'onn 1930 ad Arosa ed ha passentà là ils emprims 12 onns da sia uffanza. Suenter ch'ils geniturs han laschà sparter, ha ella vivì la gronda part dal temp a Basilea. Là ha ella fatg gia en giuvens onns ina gronda carriera professiunala. L'onn 1971 è ella sa chasada en il Tessin, nua ch'ella ha entschet a scriver cudeschs. Entras in giast da vacanzas, Werner O. Feisst è ella vegnida tar la televisiun. L'onn 2011 è Kathrin Rüegg morta en la chasa da vegls a Gordola.

RR Total local 11:45