Siglir tar il cuntegn
Inhalt

Surselva Kreiliger è dispensà per immediat

La Regiun Surselva ha schlià il contract da lavur cun il manader da fatschenta dal Center da furmaziun Surselva, Peter Kreiliger cun la fin da l'onn da scola 2017/18. Kreiliger è dispensà per immediat, communitgescha l'organisaziun.

Peter Kreiliger.
Legenda: Dapi l'entschatta dal 2017 è Peter Kreiliger stà gestiunari dal Center da furmaziun Surselva. RTR

Sco quai che Thomas Buchli da la cumissiun regiunala da la Regiun Surselva ha ditg ad RTR saja quai succedì en enclegientscha vicendaivla. Davart ils motivs per quai pass saja vegnì concludì da na dar naginas infurmaziuns, ha ditg Buchli enavant. Quai ha Peter Kreiliger confermà a RTR.

Per il manaschi sco tal saja questa situaziun ina sfida. I haja dentant tar mintga partiziun avunda cumpetenza dal fatg per surmuntar a curta vista questa situaziun senza manader. Ussa vegnia gist prendì la chaschun da dar in sguard sin la structuras e far la ponderaziun sch'i dovria midadas tar la structura. Tenor Buchli sappian ins silsuenter decider co scriver ora la plazza.

Dapi l'entschatta 2017 era Kreiliger manader da fatschenta dal center da furmaziun Surselva e vicemanader da fatschenta da la Regiun Surselva.

RR novitads 08:00