Siglir tar il cuntegn

Header

Video
Centrala 144 bainbaud a Cuira?
Or da Telesguard dals 17.05.2016.
laschar ir
cuntegn

Surselva L'avegnir dal 144 - oz vegn infurmà

Resta la centrala dal clom d’agid 144 a Glion u vegn ella transferida a Cuira? In inserat prematur ha leventà blera pulvra – oz infurmeschan regenza ed ospital.

In inserat da plazza dal Spital Regiunal Glion en la «Südostschweiz» da la sonda passada (14.05.2016) fa surstar. Cun quest inserat tschertga l’ospital numnadamain in disponent per la centrala grischuna dal clom d'agid 144 a Glion.

En parantesa vegn dentant menziunà ch'il lieu da lavur saja a partir dal 2017 a Cuira. I para che la regenza ha gia decidì da surdar il 144 ad in'instituziun a Cuira.

Sche quai è il cas, lura ha il Departament da sanadad dentant manchentà d'infurmar las persunas pertutgadas a Glion. Sin dumonda da RTR han tant il directur da l’ospital da Glion Urs Kellenberger sco era il president dal cussegl d'administraziun Mathias Bundi confermà ch'els na sajan betg vegnids infurmads sur d'ina tala decisiun.

Tant il schef dal Departament da giustia, segirezza e sanadad Christian Rathgeb sco era il manader da l’Uffizi da sanadad Rudolf Leuthold n`èn fin uss betg stads cuntanschibels per dar scleriment.

Video
In onn «Clom d'agid 144 a Glion»
Or da RTR dals 29.06.2000.
laschar ir