Siglir tar il cuntegn

Header

cuntegn

Surselva L'emprim collidà cun chavriel - lura charrà memia spert

Gievgia a bun'ura hai dà in accident da traffic cun ina selvaschina datiers da Tavanasa. Paucas uras pli tard è il culpant vegnì traplà perquai ch'el charrava memia spert.

Il manischunz da l'auto è s'allontanà dal lieu d'accident senza s'empatschar dal chavriel. Dasper il chavriel crappà a la polizia lura era chattà intgins tocs da plastic al lieu dal accident.

Il medem manischunz a la polizia controllà il suentermezdi a Zignau perquai ch'el charrava memia spert. Durant ina controlla pli exacta da l’auto ha la polizia era chattà pail oriund da la collisiun cun il chavriel. Il manischunz tudestg ha sinaquai dà tiers la collisiun.

Dasper la multa per il surpassament da spertadad, vegn el era denunzià a la Procura publica perquai ch'el n'ha betg infurmà las autoritads suenter l'accident cun il chavriel.

RR Novitads 14:00

Artitgels legids il pli savens