Siglir tar il cuntegn

Header

Navigaziun

La lavina 19b dals 5 d'avrigl 2019 ca. 200m en via tranter Pian Segno e Campra.
Legenda: La lavina 19b dals 5 d'avrigl 2019 ca. 200m en via tranter Pian Segno e Campra. Pro Lucmagn, Nora Zürcher-Gasser
cuntegn

Surselva L’enviern passà è il pass dal Lucmagn stà serrà 32 dis

Sin la via dal pass èn 48 lavinas vegnidas giu en via: 30 da la vart grischuna dal pass, 18 da la vart tessinaisa. Per part han ils collavuraturs da la Pro Lucmagn era sajettà lavinas.

Nagins accidents

I saja in enviern en la media dals onns passads dapi che la Pro Lucmagn exista, di il president Martin Candinas. L’enviern avant è il pass stà serrà 76 dis, 2016 e 2017 per ex. mo 10 dis. Grazia a las mesiras da segirtad hai dà nagins accidents.
La finamira è dentant da tegnair avert il pass uschè blers dis sco pussaivel, e perquai vulan ils chantuns Grischuns e Tessin prender ulteriuras mesiras.

Rumir la naiv avant il pass
Legenda: Rumir la naiv avant il pass Pro Lucmagn, Nora Zürcher-Gasser

Investiziuns en il nord ed en il sid dal pass

Ad Acquacalda vul il chantun Tessin construir rempars da lain e rinforzar la plantaziun (project da 15 milliuns en 10 onns); ed il Grischun vul prolungar la galaria dal Scopi per 300 meters fin il mir da fermada dal lai da Sontga Maria. Quest project custa 10 milliuns francs. Ultra da quai ha il chantun Grischun decidì dacurt da segirar il territori a Stgegia cun raits da naiv sin in tschancun da 300 meters, quai munta a custs da 1.3 milliuns francs.

RR novitads 17:00