La prevendita dals bigliets saja stada fitg positiva, di il president da l'Open Air Lumnezia Norbert Cavegn. En cifras vul quai di ch'i ha actualmain anc bun 1'500 bigliets. Els fan quint ch'ils bigliets sajan davent l'autra emna. Sche tuts bigliets fissan propi vendids ora in mais avant il festival lura fiss quai in record en l'istorgia da l'open air.
audio
Norbert Cavegn davart la prevendita
ord Actualitad dals 30.05.2018.
laschar ir. Durada: 14 Secundas.
Plirs facturs da success
Sper in bun program e buna lavur declera Norbert Cavegn il success cun il format da l'Open Air Lumnezia. I na saja betg uschè in grond open air e quai paria da plaschair a la glieud.
L'Open Air Lumnezia è dals 19 fin ils 21 da fanadur. Cun passa 18'000 visitaders mintg'onn quel il pli grond festival da musica dal Grischun.
RR novitads 17:00