Siglir tar il cuntegn

Surselva L’ultim spurt per l’Open Air Lumnezia

Damaun cumenza l’Open Air Lumnezia. Il comité e numerus gidanters èn actualmain vid dar las davosas per che l'areal a Degen è ready per ils millis e millis visitaders. Damaun vegnan numnadamain ils fans da l’open air muntagnard.

Legende: Video Ils ultims cussegls per l'Open Air Lumnezia abspielen. Laufzeit 1:15 Minuten.
Dals 20.07.2016.

La fin d’emna vargada èn grondas stentas gia vegnidas fatgas. L’areal vesa gia ora pulit sco in areal d'open air. Ma tuttina, era il davos di da preparaziun datti anc da far ina massa per tut ils involvai.

Norbert Cavegn
Legenda: Norbert Cavegn: il capo da l'open air Lumnezia. RTR, Fabia Caduff
Mia lavur n'èsi betg da cumandar, però da coordinar.
Autur: Norbert Cavegnschef d'organisaziun Open Air Lumnezia

Blers detagls èn anc da far

Il construct da l'open air è pinà. La tribuna e las tendas da festa stattan per gronda part. Uss èsi anc da far las lavurs da detagl, di il president da l'Open Air Lumnezia, Norbert Cavegn. Munta, bler lavur tecnica e plinavant saja er anc da pender ora tut las reclamas sin l’areal.

Uschia èsi il mument nua che 18'000 milli persunas vegnan bain baud a far festa.

Inqual novaziun datti per ils visitaders

L’onn passà avevi dà critica pertutgant las tualettas. I haja memia paucas e plinavant stoppian ins anc pajar 2 francs, era la critica per blers visitaders. «Quest onn èn las tualettas gratuitas», di Norbert Cavegn. Plinavant hajan els era auzà la quantitad da tualettas.

In’auter novum è ch’ins dastga quest onn mo vegnir cun trais liters bavronda sin l’areal – per persuna.I haja dà uschè bler rument da bavrondas l’onn passà, uschia ch’i sajan sa decis per quai, declera il president. Dentant hajan ins la pussaivladad da cumprar bavrondas pli favuraivlas en in kiosk sin l’areal da l'open air.

RTR accumpogna oz il president Norbert Cavegn e ses team durant las davosas preparativas. E guarda sche tut è pinà per ils var 18'000 visitaders che vegnan spetgads.

RR actualitad 11:00 +