Siglir tar il cuntegn

Surselva L’Uniun da giuventetgna Dardin mussa films vegls

Far paun chasa, far chanasters, tretschas e pipas, ubain pinar laina – quai èn intgins dals films vegls che l’Uniun da giuventetgna Dardin mussa sonda saira en chasa da scola.

Ina DVD cun films vegls ord l'archiv a Breil
Legenda: Ina DVD cun films vegls ord l'archiv da Breil RTR, H. Giger

Sco il president Samuel Cahannes di, hajan els gia fatg quai avant trais onns cun success. Alura avevan els mussà films ch’Angelina Pfister da Schlans aveva fatg. Quai cun ina camera da super 8, sco l’archivari da la vischnanca da Breil Bistgaun Cathomen di.

Films d'Alfons Maissen

Uss mussian els surtut films d’Alfons Maissen da l’onn 1942. Maissen avevi fatg quels cun gronda passiun, perquai ch’el ha vulì documentar mastergns vegls ch'eran sin svanir e perquai ch’el avevi parents en vischnanca, di Bistgaun Cathomen. Ils films èn per part senza tun, mo i dat in cudeschet cun infurmaziuns sur dals films.