La bieraria da Flem n'è anc betg a fin

La radunanza generala da la Aktienbrauerei Flims Surselva SA ha decidì ier saira a Flem da suandar il CEO ed acziunari principal Beat Glaus e da realisar in nov concept per la bieraria. In concept che preveda mo pli in negozi da bieras ed in restaurant, la producziun duai dentant succeder extern.

Quai na datti betg pli... gervosa da Flem. Bild in Lightbox öffnen.

Legenda da maletgs: Quai na datti betg pli... gervosa da Flem. RTR, L. Livers

L'entschatta da settember ha il possessur da la bieraria Beat Glaus annunzià, che la biera da Flem vegnia tuttina buc producida extern sco anc communitgà l'avrigl ed era ch'il restaurant vegnia serrà la fin d'october. Tenor Glaus è quai dentant stà ina decisiun strategica, in stop per evitar il concurs. Sia idea: cuntinuar cun in nov concept che preveda mo pli in negozi da bieras ed in restaurant. Il problem dals davos onns saja stà l'atgna producziun, che haja chaschunà memia auts custs. Perquai prevesa il concept che la biera da Flem vegnia producida da la bieraria Locher en il chantun Appenzell. Biera da Flem vegni vinavant a dar, dentant mo pli las 3 sorts Marenghin, Bluzcher e Rensch e mo pli per l'agen diever.

Sche pussaivel sa concentrar sin il commerzi

Impurtant per Beat Glaus è da sa concentrar sin il commerzi da bieras. Il negozi duai perquai era vender bieras spezialas da l'exteriur. A lunga vista vul el era midar il concept dal restaurant ni schizunt vender il restaurant ad in investur.

RR novitads 06:00