Gia dapi ch’i dettia il consorzi da scola Sumvitg -Trun saja quai stà cler ch’ins stoppia serrar ina chasa da scola – u quella a Sumvitg ubain quella a Rabius.
I saja pli logic da serrar la chasa da scola a Sumvitg, di Candinas. Rabius saja pli datiers da Trun, e quai saja in avantatg per ils transports dals scolars. Uschia possian els spargnar custs.
Pli e pli paucs scolars
In auter motiv da prender questa decisiun saja ch’i dettia pli e pli paucs scolars.
Tge che schabegia alura suenter cun la chasa da scola a Sumvitg n`è anc betg cler. Ina pussaivladad fiss da laschar a tschains las localitads sco biros, di Armin Candinas.
Las scolas dal consorzi da scola Sumvitg-Trun èn repartidas sco suonda:
Sumvitg ha la 5avla e 6avla classa primara. Rabius ha ina scolina e 1.-4. primara. Trun ha ina scolina, 1.-4. primara ed il stgalim superiur.
RR novitads 12:00