La chascharia Muraun en Val Medel sto serrar sin la fin da zercladur. Quai ha decidì la suprastanza da «La Caura», l'uniun manadra da la chascharia. D'ina vart manchia il latg, vinavant sajan ils custs da persunal memia auts ed il tschaler da chaschiel memia pitschen, scriva l'Agentura da Novitads Rumantscha. Ils contracts cun ils collavuraturs vegnan schliads. Per il bajetg tschertgian ils dus acziunaris privats in nov locatari.
Tuttina saja la chascharia da latg-chaura stada in success, vegn cità il president da l'uniun Peter Binz. Cun realisar quella avant dus onns haja ins pudì ramassar impurtantas experientschas per ulteriurs projects.
RR novitads 06:00
