Siglir tar il cuntegn

Header

video
Fiera da vinars a Glion
Or da Telesguard dals 28.12.2023.
laschar ir. Durada: 2 minutas 33 Secundas.
cuntegn

La fin da l'onn Tradiziun – la fiera da vinars a Glion

La fiera da vinars è l'ultima fiera da l'onn a Glion. I vegn pretendì ch'ils politichers hajan pli baud regalà l'ina u l'autra runda vinars quest di per segirar la reelecziun. Auters din ch'ins haja augmentà la provisiun da vinars per l'enviern fraid.

La fiera da tut ils products destillads ha en mintga cas tradiziun.

Per Beni Simeon, che venda dapi 10 onns vinars a la fiera, hai dà in flot svilup en ils davos onns. Uschia saja ditg mo stà ina fiera da vinars da num. Uss haja dentant puspè intgins stans che porschian vinars. La fiera saja en general vegnida fitg populara, ed igl haja adina dapli persunas. Tge ch'i cumpran dependia dal gust persunal, il hit saja per blers dentant da pudair empruvar ils divers products.

audio
Tradiziun a Glion – la fiera da vinars
ord Actualitad dals 28.12.2023. Maletg: RTR
laschar ir. Durada: 4 minutas 6 Secundas.

Ed era el vegnia anc a far ina runda entras la fiera per guardar tge che vegn tut purschì.

RTR actualitad 11:00

Artitgels legids il pli savens