La fin da l’Open Air Trun

L’istorgia da 20-25 onns da l’Open Air Trun va a fin. La sonda dals 25 da zercladur vegn quest eveniment organisà per l’ultima giada. Quai ha il president dal OAT Markus Steiner confermà ad RTR.

Logo dal Open Air Trun Bild in Lightbox öffnen.

Legenda da maletgs: Logo dal Open Air Trun RTR

A la radunanza da commembers hajan els decidì da schliar l’uniun ch’exista dapi sis onns. Il motiv da chalar cun l’OAT è ch’els n'hajan chattà nagins successurs per la suprastanza sco president e cassier. Markus Steiner aveva decidì da remetter ses uffizi. Ed era duas persunas dal comité d’organisaziun vevan demissiunà.

Interess mancava

I saja donn che quest eveniment na vegnia betg pli organisà. Ma l’interess per quel mancava, ed els hajan pli e pacs commembers (actualmain anc 12-15), di Steiner.

Musica da saut

L’ultim Open Air Trun en il Plaun Rensch è ina festa finala cun musica da saut (senza gruppas).