Ils 500 onns Engihuus è mo in dals giubileums. Medemamain vegn la fundaziun «Valendas Impuls» 10 onns. Sin quai giubileum han las ovras electricas dal chantun Turitg e la Repower regalà als da Valendau quella illuminaziun dal plaz sper e da la funtauna. La giunfra da l’aua sin la pitga funtauna ha uschia survegnì ina illuminaziun decenta da sutensi.
La figura che ornescha ussa la funtauna da Valendau n’è dentant betg la figura originala. Lezza sa chatta el Museum retic a Cuera. La copia è vegnida fatga ils onns 50, il pli probabel perquai che la figura originala era crudada giu dal sochel en la funtauna.
Cumparegliaziun dals maletgs
Tar la funtauna da lain da Valendau sa tracti da la pli gronda funtauna da lain da l’Europa cun las mesiras da 4,8 sin 7,8 meters ed in cuntegn da 15'000 liters aua.