Siglir tar il cuntegn

Header

cuntegn

Surselva La passiun da Carli Scherrer cun solists laics

L’emna sontga è il temp nua ch’i vegn legì la passiun. A Sevgein pon ins tadlar quella quest onn en furma musicala.

Il Chor mischedau da Sevgein è sa mess quest onn vid ina sfida. Sur Pasca chantan els la Passiun da Carli Scherrer. In’ovra che n’è betg simpla da chantar e che cuntegn era intginas parts per solists. Per la dirigenta dal chor èsi stà cler che chantaduras e chantadurs dal chor surpiglian quels solos.

Giu retenientschas

Carli Scherrer, il cumponist da l'ovra ha gì sterment l'emprim mument cura ch'el ha legì il libretto dal spiritual Gion Martin Pelican. El haja gì dubis da sasez che ses sentiments sajan uschè vasts da pudair cumponer in'ovra che mainian da la tristezia fin la levada, uschia ha Carli Scherrer ditg. El haja lu tuttina sa mess vid la lavur ed haja laschà madirar las ideas.

Artitgels legids il pli savens