La seria-web «METTA DA FEIN» - Sin il set da film a Vrin
Suenter in lung temp da planisaziun èn las emprimas scenas per la seria web-ficziunala dad RTR vegnidas filmadas. L’istorgia è in crimi umoristic e vegn filmà durant las proximas trais emnas a Vrin en Surselva.
Sper blerAs acturAs cun experientscha avant la camera fan era acturs da teater part da questa producziun. Ina gronda midada, quai sa er l'actura e reschissura da teater da Mustér.
audio
Metta da fein: Tina Bundi – dal teater al film
02:14 min, ord Actualitad dals 20.07.2020.
Maletg: RTR, Livio Chistell
laschar ir. Durada: 2 minutas 14 Secundas.
Per tge vai en la seria?
Avrir la boxSerrar la box
En in vitget en la Surselva vegnan chattads regularmain animals cun chommas tagliadas giu. La pitschna cuminanza è tementada. Entant che plirs abitants crain vi d’in mitus, emprova il policist da sclerir il cas, quai però senza success. Ils mazzaments s'augmentan sco er la disfidanza dals abitants dal vitg. La seria da mazzaments finescha cun ina catastrofa a la festa dal vitg.
Pertge producescha RTR ina tala seria?
Avrir la boxSerrar la box
Oz consumescha in giuven public streams da Netflix, Disney+, Spotify & co. RTR è cun l’emprima seria ficziunala rumantscha perquai al puls dal temp ed al puls da noss public. La seria «Metta da fein» pon ins guardar sin rtr.ch, pia sin noss player RTR Play. Medemamein vegn ella publitgada sin nossas raits socialas sco Facebook, Instagram e Youtube.
La Metta Da Fein vegn ad esser online ils 13 da december e cumpiglia circa 4 giadas 20 minutas.
audio
Metta da fein: Impressiuns 1. di vid filmar en Lumnezia