L’interpresa ha installà in implant fotovoltaic solar sin 6 bajetgs. En tut producescha quel ca. 530’000 uras kilowatt respectiv energia solara per ca. 120 chasadas. Sco Curdin Maissen, che maina l’interpresa cun ses frar Flurin, di, dovran els cun las tschintg partiziuns ca. la mesadad (260’000 uras kilowatt). Il rest da l’energia solara vegn manada en la rait publica ed en in tancadi public.
Energia netta per la producziun ed il stgaudament
Avant 12 onns sajan els sa decidì per l’energia solara, perquai ch’els hajan constatà ch’ils custs da las cellas solaras sajan supportablas per l’interpresa. L’interpresa da Tarcisi Maissen lavura cun materia prima indigena, lain e crap, e producescha era energia termica cun laina restanta.
La Tarcisi Maissen SA cun passa 50 collavuraturs saja ina interpresa gronda che ha pudì midar da l’energia betg persistenta a l’energia persistenta e regenerabla, han ils responsabels dal premi solar svizzer fatg valair.
RR actualitad 07:45