La tradiziun dal tir champester

Tirs champesters han ina lunga tradiziun - il prim tir champester era probabel l’onn 1872. L’idea oriunda era quella, da pudair pratitgar il sajettar er dasper il servetsch militar.

Laschar ir video «Tir champester a la veglia»

Tir champester a la veglia

4:09 min, Actualitad video dals 29.5.2016

Ozendi èn ils tirs champesters quasi eveniments da sport. In cuntrapais a quest trend dat la «Garda campestra». La «Garda campestra» è ina gruppa dad umens da Sumvitg che van al tir champester anc a la veglia.

Naschida e quell’idea or da la passiun per unifurmas e schluppets vegls. Sonda ha la «Garda campestra» festivà ses 10avel giubileum. Quai han els fatg sco adina, numnadamain cun in marsch dal vitg en il stan da tir.