Siglir tar il cuntegn

Header

video
«Die Henkersmalzeit zu Valendas»
Or da Telesguard dals 13.06.2017.
laschar ir
cuntegn

Surselva La tschavera dal hentger a Valendau

A Valendau vegn giugà per la segunda giada teater sin plazza communala amez il vitg. In toc che sa basa sin fatgs istorics capitads a Valendau.

L’idea per scriver in toc davart l’istorgia dal Barun da Razén, che stat avant dretgira a Valendau l’onn 1451, ha l’autur Martin Valär gì cura ch’el ha giugà teater avant duas onns sin la plazza communala a Valendau. Igl è numnadamain gist il lieu nua che l’istorgia è capitada. Il Barun da Razén duai aviar tradì la Ligia Grischa cun sustegnair ils conts da Werdenberg-Sargans en lur guerra cunter Schons, ch’era sa collià cun la Ligia Grischa per daventar libers dal conts.

audio
Mezdi: A Valendau vegn giugà teater – ina critica
04:23 min, Actualitad dals 15.06.2017.
laschar ir. Durada: 04:23 minutas.

Per scriver in teater era l’istorgia dentant memia curta ed uschia ha Martin Valär creà l’ustiera Siglinde. La persuna che sa tut en il vitg e che ha era ina tscherta pussanza, damai che bain inqualin ha pli gronda said che quai ch’el ha daners en bursa ed uschia ha in u l’auter era daivets tar ella. L’ustiera guarda la finala era ch’i dat amnestia. Mo sche quai quint va la finala si per ella e per il barun da Razén, gliez ston ins guardar sez.

Var 30 giugadras e giugaders èn sin tribuna per la preschentaziun dal toc «Die Henkersmahlzeit zu Valendas» che dura var in’ura e mesa. La reschia fa - sco gia l’ultima giada tar il classicher «Besuch der alten Dame» da Dürenmatt - Arthur Bühler.

RR actualitad 11.20

Artitgels legids il pli savens

Scrollar a sanestra Scrollar a dretga