Siglir tar il cuntegn

Surselva La via da Riein resta serrada ad interim

Sco quai ch'il chantun communitgescha possia quai anc cuzzar pliras emnas avant che la via vegn puspè averta. La via è serrada pervia da la bova ch'è vegnida giuadora ils 29 da matg.

Legende: Video La via tranter Sevgein e Riein resta serrada, probablamain anc per pliras emnas abspielen. Laufzeit 2:08 Minuten.
Or da Telesguard dals 09.06.2015.

Questa bova è anc en moviment, adina puspè vegn giuadora crappa, ed ussa suenter ils urizis dals davos dis è era blera buglia e glera vegnida en moviment.

Sper il material da 7 fin 8’000 cubics ch’è gia vegnì giuadora, quintan ins, che anc blera crappa gronda e pitschna vegn giuadora. Durant ils ultims dis cun daratgadas è uschia era adina dapli glera vegnida lavada giuadora. Suenter ch'ils geologs han examinà la val èsi clar, la val sto vegnir rumida da quella crappa e glera avant na dastga la via betg vegnir averta. Per ils da Riein dovra i ussa pazienza, lur viadi a Glion a la lavur u a scola sur Dutga e Valendau è ussa 20 kilometers enstagl da 7 kilometers.