Siglir tar il cuntegn

Header

cuntegn

Surselva La via tras Dardin vegn sanada e schlargiada

En il punct il pli stretg è la via a Dardin mo circa quatter meters lada. Per pudair schlargiar ella sto ina part d’ina stalla vegnir spazzada.

Marcus Valaulta mussa la part da la stalla che vegn spazzada.
Legenda: Marcus Valaulta mussa la part da la stalla che vegn spazzada. RTR, Carlo Albin

La via tras Dardin duai vegnir sanada ed en quai mument era schlargiada. Actualmain è la via en il punct il pli stretg mo circa quatter meters lada. Cun quella ladezza pon dus autos normals gest anc cruschar e perquai duai la via vegnir schlargiada sin las mesiras d’ina via chantunala, vul dir set meters.

Uschia èsi era pussaivel per dus camiuns da cruschar senza problems.

Quai toc da la via tras Dardin vegn sanà e schlargià.
Legenda: Quai toc da la via tras Dardin vegn sanada e schlargiada. Uffizi da contrucziun bassa GR

Spazzar ina part d’ina stalla

En in lieu en il vitg da Dardin è il schlargiament dentant mo pussaivel cun spazzar ina part d’ina stalla. Circa trais meters da la stalla ston vegnir spazzads per avair avunda plaz per la via. Però era cun quai na po la via betg vegnir schlargiada dapertut. En in auter lieu passa la via gist sper ina chasa ora. La chasa è tenor il responsabel da l’uffizi da construcziun bassa dal chantun Marcus Valaulta sut protecziun e na po betg vegnir spazzada. Alternativas per schlargiar la via en quai lieu na dettia betg. Perquai vegn in toc da circa 20 meters era en l’avegnir a esser mo quatters meters lads.

audio
Mezdi: Via tras Dardin vegn sanada
ord Actualitad dals 25.07.2016.
laschar ir. Durada: 2 minutas 13 Secundas.

In kilometer per sis enfin set milliuns

En tut vegn la via a Dardin sanada sin ina lunghezza da circa in kilometer. Ils custs totals muntan tenor Marcus Valaulta a sis enfin set milliuns francs. Las lavuras vegnan a cuzzar quatter onns e planisà èsi da cumenzar cun las lavurs l’onn 2018.

Artitgels legids il pli savens