Siglir tar il cuntegn
Inhalt

Surselva Laax: 16 milliuns per sanar il bogn ed in hostel da wellness

La vischnanca da Laax po sanar ses bogn cuvert e construir in hostel da wellness sin il tetg da quel. La radunanza communala ha approvà il credit da 16,25 milliuns francs per il project, quai cun be ina cuntravusch.

La sanaziun dal bogn custa 8,2 milliuns, il project cun la jugi «wellnessHostel3000 & Aua Grava» che porscha 160 letgs custa 8 milliuns. Il bogn cuvert vegn renovà cumplettamain e cumplettà cun in spazi da wellness ed in center da fitness.

Hostel duai vegnir avert il 2020

Va tut tenor plan pon las lavurs da construcziun cumenzar l'auter onn. Sin l'entschatta da l'onn da scola 2020/21 duai il bogn lura puspè esser avert. Il hostel duai vegnir avert il november 2020.

Il cumplex dal bogn da Laax ha gia 36 onns e sto vegnir sanà urgentamain. Gia il 2017 aveva la radunanza communala approvà in credit per ina concurrenza da project. Il favrer 2018 aveva la populaziun lura ditg gea al credit da planisaziun da 850'000 francs.

RR novitads 22:00