La dumengia curt suenter mezdi è la polizia vegnida alarmada perquai ch’i vegniva fim or dad ina chasa da pliras famiglias a Laax. Sco la Polizia chantunala scriva, hajan ils pumpiers da Laax Falera localisà l’origin dal fieu en la vischinanza da la garascha sutterrana e tschalers. Da las duas chasas colliadas cun l’edifizi pertutgà han pliras patruglias da polizia evacuà 54 persunas.
Cun sustegn dad ulteriurs corps da pumpiers è il fim vegnì ventilà or dal bajetg. La saira a las siat han las persunas evacuadas lura puspè pudì turnar en las chasas da pliras famiglias. La causa da la fimera para dad esser stà in apparat electric ch’è vegnì chargià en in tschaler.
audio
Per tadlar: las novitads da las 12:00
ord RTR Audio dals 31.07.2023.
laschar ir. Durada: 5 minutas.